ABESIFAZANE abazobonakala ngesizini yesihlanu yohlelo i-The Real Housewives of Durban eshaya ibuya ngenyanga ezayo Isithombe: SITHUNYELWE
NGEKE babonakale ngesizini entsha yesihlanu abanye besifazane abebekade beyingxenye yesizini ebishisa yesine, yohlelo lwezimpunyela zabesifazane iThe Real Housewives of Durban (RHOD).
USlee Ndlovu, Ameigh Thompson, Maria Valaskatzis, noZama Ngcobo ngeke babonakale ngesizini ezoqala ukukhonjiswa kwi-Showmax ngoMashi.
Abaka-Showmax baveze ukuthi ngokuhamba kwesikhathi bazomemezela izintokazi ezintsha ezizoba yingxenye yohlelo, nosuku oluzoqala ngalo.
Kwababuyayo abake babonakala kubalwa uNonku Williams, Sorisha Naidoo, Jojo Robinson no-Angela Ndlela.
USam Kelly, omunye wabasunguli bohlelo, uveze ukuthi indlela izinto ezihluke ngayo kule sizini entsha kusuka ezintweni ezintsha abaqhamuke nazo, ubuso obusha nokunye.
“Ngesizini ezayo sizobona abesifazane abazobe bekhona, beshayisana ngemibono ehlukene, besivezela izimpilo zabo eziphambili, indlela abakhule ngayo selokhu bekulolu hlelo nokunye esingeke sikuveze manje okuzogqama ohlelweni,” kuchaza uKelly.
Related Topics: